Vasif Talıbov istefa verdi, onun vəzifəsi bu şəxsə KEÇDİ
Bu gün Naxçıvan Muxtar Respublikası (MR) Ali Məclisinin iclası keçirilib.
ENA.az xəbər verir ki, iclasda Naxçıvan Ali Məclisinin sədri Vasif Talıbov istefa verib.
Eləcə də oxuyun: Naxçıvan MR Ali Məhkəməsinə yeni hakimlər təyin olunacaq
Vasif Talıbov 1995-ci ilin dekabr ayından Naxçıvan Muxtar Respublikası Ali Məclisinin sədri vəzifəsində çalışıb.
Naxçıvan MR Konstitusiyasının 30-cu maddəsinə əsasən, Ali Məclisin sədri istefa verdikdə, səhhətinə görə öz səlahiyyətlərini icra etmək qabiliyyətini itirdikdə müəyyən edilmiş müddətdə yeni sədr seçilənə qədər onun səlahiyyətlərinin icrası Naxçıvan Muxtar Respublikası Ali Məclisi sədrinin birinci müavini, o da olmadıqda müavini tərəfindən yerinə yetirilir.
Hazırda Naxçıvan Muxtar Respublikası Ali Məclisi sədrinin birinci müavini Azər Yadulla oğlu Zeynalovdur. O, 2020-ci ildən bu vəzifədə çalışır.
