Ev tikənlərin sayı yenidən artır: dövlət və özəl sektorun payı açıqlandı
2018-ci ildə Azərbaycanda mənzil tikintisi sahəsinə investisiyaların ümumi məbləği 1 mlrd. 313,8 mln. manat olub. Bu isə 2017-ci illə müqayisədə 61,1% artım deməkdir.
"BI" xəbər verir ki, tikinti sahəsinə sərmayələrin 252,3 mln. manatı dövlətin payına düşür və bu göstərici 2017-ci illə müqayisədə 68,4% çoxdur.
Özəl sektor isə yenidən mənzil tikməkdə aktivləşib və 2017-ci illə müqayisədə bu sektora qoyduğu sərmayəni 31% artırıb. Rəsmi göstəricilərə görə, özəl sektorun payına düşən investisiyaların həcmi 1 mlrd. 61,5 mln. manatdır.
Nəticədə, 2018-ci ildə ölkədə istismara verilən yaşayış yerlərinin ümumi sahəsi 3.5% faiz artaraq, 2 mln. 84,7 min kvadratmetr olub.
2018-ci ildə fərdi ev tikintisi də artıb. Azərbaycan vətəndaşları öz vəsaitləri hesabına 13,7 min ev tikib. Evlərin tikintisi Bakı, Naxçıvan MR-nin ərazisində, Masallı və Sabirabad rayonlarında daha çox həyata keçirilib.
