Nazirlik 2 su anbarının yaradılması üçün 2.3 milyon manat xərcləyəcək
Azərbaycan Respublikası Ekologiya və Təbii Sərvətlər Nazirliyi “Hydro-Geo Environment Group” MMC və “Geo-Su Group” MMC ilə müqavilə bağlayıb.
ENA.az xəbər verir ki, hər 2 müqavilənin cəmi məbləği 2 301 000 manatdır.
“Hydro-Geo Environment Group” MMC ilə bağlanmış müqavilədə Zəyəmçay su anbarının yaradılması məqsədilə texniki-iqtisadi əsaslandırma və layihə-smeta sənədlərinin hazırlanması nəzərdə tutulur. Müqavilənin dəyəri isə 1 416 000 manatdır.
“Geo-Su Group” MMC ilə olan müqavilə isə Ağsuçay su anbarının yaradılması məqsədilə texniki-iqtisadi əsaslandırma və layihə-smeta sənədlərinin hazırlanmasından ibarətdir. Bu müqavilənin məbləği 885 000 manatdır.
