NATO Rusiya ilə birbaşa hərbi toqquşmanın təhlükəli xəttinə yaxınlaşır - Zaxarova
Ukraynanın NATO silahları ilə təchiz edilməsi və Kiyevə hərbi yardım NATO-nu Rusiya Federasiyası ilə birbaşa hərbi toqquşmanın təhlükəli xəttinə yaxınlaşdırır.
Bunu Rusiya Xarici İşlər Nazirliyinin rəsmi nümayəndəsi Mariya Zaxarova bu gün keçirdiyi brifinqdə bildirib.
Zaxarova NATO ölkələrini Kiyev rejiminin himayəsi altında terror fəaliyyətlərinin sponsorları adlandırıb:
“Qərb tərəfindən Ukraynaya verilən silahların qara bazarda qaçaqmalçılığının aylıq dövriyyəsi 1 milyard dolları ötür”, deyə Rusiya XİN sözçüsü vurğulayıb.
Rusiyalı diplomat şimal alyansının nüvə silahından çəkindirmə təlimlərinə də münasibət bildirib. Onun sözlərinə görə, bu təlimlər Avropadakı vəziyyətə sabitlik qatmır.
