Delimitasiya üzrə komissiyaların görüşü olacaq
Azərbaycan və Ermənistan sərhədlərinin delimitasiyası üzrə komissiyaların növbəti görüşü olacaq.
ENA.az xəbər verir ki, bu barədə Avropa İttifaqı Şurasının rəhbəri Şarl Mişel bildirib.
Onun sözlərinə görə, delimitasiya komissiyaları oktyabr ayının sonunadək Brüsseldə görüşəcək.
Xatırladaq ki, Ermənistan və Azərbaycan arasında sərhədlərin delimitasiyası üzrə Dövlət komissiyalarının ilk görüşü 24 may 2022-ci il tarixində keçirilib.
Azərbaycan və Ermənistan tərəfdən komissiyalara Baş nazir müavinləri Şahin Mustafayev və Mher Qriqoryan rəhbərlik edir.
