Bank

Problemli kreditlərin həcmi AZALIB

2022-ci il fevral ayının 1-nə ölkənin bank və digər kredit təşkilatlarının kredit portfeli əvvəlki ilin eyni dövrü ilə müqayisədə 18,2 faiz artaraq, milli valyuta ekvivalentində 17242,1 milyon manat təşkil edib.

Bu barədə Dövlət Statistika Komitəsindən (DSK) verilən məlumatda bildirilib.

Qeyd edilib ki, ümumi kredit portfelinin 14010,5 milyon manatı və ya 81,3 faizi uzunmüddətli kreditlərin payına düşüb.

Kreditlərin 97,3 faizi banklar, 2,7 faizi isə bank olmayan kredit təşkilatları və kredit ittifaqları tərəfindən verilib.

Ödəmə vaxtı keçmiş kreditlərin məbləği il ərzində 21,5 faiz azalaraq 706,6 milyon manat olmuş və ümumi kredit portfelinin 4,1 faizini təşkil edib.

Ən vacib xəbərləri Telegram kanalımızdan OXUYUN! (https://t.me/enaxeber)