Ankara növbəti Ermənistan-Türkiyə görüşünü 3-cü ölkədə keçirmək istəmir
Türkiyənin “Sabah” qəzeti Ermənistan və Türkiyə xüsusi nümayəndələrinin növbəti görüşünün mövzusuna toxunub.
ENA.az xəbər verir ki, qəzetin yazdığına görə, Türkiyə Xarici İşlər Nazirliyinin diplomatik mənbələri növbəti görüşün üçüncü ölkədə keçirilməsini istəmədiklərini bildiriblər.
“Biz bunun ya Ermənistanda, ya da Türkiyədə olmasını istəyirik”, - mənbə bildirib.
Xatırladaq ki, Türkiyə və Ermənistan münasibətlərinin normallaşdırılması prosesi üzrə xüsusi nümayəndələr Serdar Kılıc və Ruben Rubinyanın ilk görüşü yanvarın 14-də Moskvada keçirilib.
