Gömrük Komitəsi 10 ayda büdcəyə 3,5 milyard manat vəsait köçürüb
Hər il “Dövlət büdcəsi haqqında” Azərbaycan Respublikasının Qanununa əsasən Dövlət Gömrük Komitəsi (DGK) üçün illik büdcə öhdəliyi müəyyən edilir. Komitə üçün bu il 3 milyard 900 milyon manat büdcə proqnozu müəyyənləşdirilib.
ENA.az xəbər verir ki, bu sözləri Dövlət Gömrük Komitəsinin sədri Səfər Mehdiyev AZƏRTAC-a müsahibəsində deyib.
O bildirib ki, cari ilin 10 ayı ərzində gömrük orqanlarının xətti ilə 3 milyard 185 milyon manat proqnoza qarşı 3 milyard 560,3 milyon manat olmaqla, 375,3 milyon manat artıq gömrük ödənişlərinin toplanaraq dövlət büdcəsinə köçürülməsi təmin edilib və 10 aylıq büdcə öhdəliyi 111,78 faiz yerinə yetirilib.
