Azərbaycan bankları xarici borclarını ciddi şəkildə azaldırlar

Azərbaycanda fəaliyyət göstərən bankların xarici borcları 2021-ci il iyulun 31-nə 1 milyard 84,2 milyon manat təşkil edir. Müqayisə etsək, bu ötən 7 ayda borcun həcminin 11,2% azalması deməkdir. Azərbaycan Mərkəzi Bankının məlumatına görə, 2021-ci ilin iyul ayında bankların xarici öhdəlikləri 53,4 milyon manat azalıb.

İyulun sonuna Azərbaycan banklarının xalis xarici aktivləri 4 milyard 533,8 milyon manat təşkil edir. Bu, 2020-ci ilin sonuna olan göstəricidən 11,5% çoxdur. Təkcə iyul ayında bankların xalis xarici aktivləri 440,2 milyon manat artıb.

Azərbaycan banklarının xarici öhdəlikləri qeyri-rezidentlərdən cəlb edilən kredit və depozitlərdən, qeyri-rezidentlərdə yerləşdirilən qiymətli kağızlardan formalaşır.

İyulun sonuna Azərbaycanda 26 bank fəaliyyət üçün lisenziyaya malik olub.