Putindən sərt çıxış: Rusiyanın yeni silahları düşündürəcək
Rusiya Prezidenti Vladimir Putin, ABŞ-ın nüvə müqaviləsi təzyiqinə qarşı sərt çıxış edib. Putin, Rusiyanın yeni silahlarının aqressiv mövqedə olmağa vərdiş etmiş tərəfləri düşünməyə sövq edəcəyini söyləyib
Rusiya Müdafiə Nazirliyinin toplantısında danışan Putin, yeni silahların ordu və donanmanın potensialını əhəmiyyətli dərəcədə artıracağını, güc tarazlığı və qlobal sabitliyə töhfə verəcəyini qeyd edib.
Putin, növbəti il strateji nüvə silahlarını gücləndirmələri lazım olduğunu söyləyərək, "Ordunun yeni silahları növbəti 10 il üçün Rusiyanın təhlükəsizliyini səhvsiz və şərtsiz olaraq təmin edəcək, güc tarazlığını, yəni dünyadakı sabitliyi artıracaq. Yeni sistemlərimiz ümid edirəm ki, militarist və aqressiv çıxışlar edən tərəfləri düşünməyə sövq edəcək" deyib.
