“İsgəndər”in yaradıcısı DANIŞDI: “Paşinyan ağzının danışığını bilmir”
Ermənistan baş naziri Nikol Paşinyanın “İsgəndər” raketini pisləməsi Rusiyada ciddi narazılıq doğurub.
ENA.az xəbər verir ki, “İsgəndər” raketinin yaradıcısı, texniki elmlər doktoru Vladimir Kovalyev da məsələyə reaksiya verib. O, Paşinyanı diletant və savadsız adlandırıb.
“Bizim komplekslərin yararsız olmasını iddia etdiyi üçün Paşinyan sözlərinə cavab verməlidir. O ağzının danışığını bilmir. İctimaiyyət önündə belə ciddi iddia səsləndirmək və sonra məsələnin detallarını bilmədiyini söyləmək baş nazirə yaraşan hərəkət deyil. Onun “İsgəndər” raketlərinin 80-ci illərin silahı olması barədə sözləri savadız diletantlıq əlamətidir”.
Hərbi tədqiqatlar sahəsində 37 il təcrübəsi olan alim “İsgəndər” raketlərinin sınaqlarına qatıldığını və raketlərin həmişə partladığını əlavə edib. O, Qarabağ döyüşlərində “İsgəndər” raketlərin yalnız 10%-nin partladığını deyən Paşinyana savadını artırmağı tövsiyə edib.
“O ya məktəbdə "2" ilə oxuyub ya da qulağının ucu ilə eşidib ki, “İsgəndər” raketlərinin xaricə satılan nümunələrinin partlayış gücü Rusiya Ordusunun istifadə etdiyi raketlərdən 10% azdır. Bunu Moskva Yerevandan heç zaman da gizlətməyib. Amma Paşinyanın yol verdiyi səhvlər heç məşhur erməni lətifələrində də olmur”- deyə Vladimir Kovalyev söyləyib.
