Banklar dollar alışını azaltdı: hərracın nəticəsi
Azərbaycan Mərkəzi Bankı (AMB) bu gün Dövlət Neft Fondunun iştirakı ilə keçirdiyi valyuta hərracında banklara 46,9 milyon dollar satıb.
Fevralın 16-da keçirilən hərracda banklara 55 milyon dollar məbləğində xarici valyuta satılmışdı.
“Hərracda tələb 46,9 milyon dollar təşkil edib və tam təmin edilib. Hərracda manatın ortaçəkili məzənnəsi 1,7 manat səviyyəsində formalaşıb”, - deyə AMB-dən bildirilib.
AMB 2017-ci il yanvarın 12-dən etibarən yeni formatda hərrac mexanizminin tətbiqinə başlayıb.
