Yanvarda Ukrayna nefti ancaq Azərbaycandan alıb
Bu ilin yanvar ayında Ukrayna 34,34 mln ABŞ dolları dəyərində xam neft idxal edib.
Ukrayna mətbuatının verdiyi məlumata görə, bu barədə ölkənin Dövlət Gömrük Xidmətinin məlumatında deyilir.
Bildirilir ki, bu, 2020-ci ilin analoji dövrü ilə müqayisədə 14 % çoxdur. 2020-ci ilin yanvar ayında ölkənin idxal etdiyi xam neftin dəyəri 30,12 mln ABŞ dolları təşkil edib.
Ötən ay Ukraynaya gətirilən bütün xam neft həcmləri Azərbaycandan tədarük edilib.
Eyni zamanda, yanvar ayında Ukrayna neft və neft xammalı idxalını 2020-ci ilin yanvar ayı ilə müqayisədə 1,9 dəfə və ya 49,32 min ton artırıb. Ötən ay Ukraynanın idxalı 106,98 min ABŞ dolları dəyərində olub.
Qeyd edək ki, yanvar ayında Ukrayna xam neftin ixracını həyata keçirməyib.
2020-ci il ərzində Ukrayna xarici ölkələrdən 409,17 mln ABŞ dolları dəyərində 1,25 mln ton neft idxal edib.
