“Anglo Asian Mining” xüsusi dividendlər ödəyəcək
Azərbaycanda qızıl, gümüş və mis hasilatı ilə məşğul olan Böyük Britaniyanın "Anglo Asian Mining Plc." şirkəti 31 dekabrda yekunlaşmış 2020-ci il üçün hər bir adi səhm üzrə 1,5 ABŞ senti həcmində xüsusi dividendlər ödəyəcək.
ENA.az xəbər verir ki, bu barədə şirkətin rəsmi saytında məlumat verilib.
Məlumata görə, bu xüsusi dividendlər səhmdarlara xüsusən də əvvəllər işğal olunmuş Azərbaycan ərazilərində aktivlər portfelini inkişaf etdirmək və gələcək potensial imkanlardan istifadə etmək üçün kifayət qədər nağd ehtiyat saxlayarkən davamlı dəstəyi üçün verilir.
Xüsusi dividendlər 12 fevral 2021-ci il tarixinə səhmdarlar qeydlərində qeydiyyatdan keçmiş səhmdarlara 11 martda tam olaraq ödəniləcək. Dividendlər nağd şəkildə ödəniləcək və şirkət qiymətli kağızlar və ya digər dividendlərin reinvestisiya planı təklif etməyəcək.
Dividendlər İngiltərə Bankı tərəfindən dərc etdiyi məzənnədən istifadə edərək 15-19 fevral tarixləri arasında hər gün 16:00-da orta bağlanma qiymətindən istifadə edərək funt sterlinqə konvertasiya ediləcək.
Xatırladaq ki, “Anglo-Asian Mining” Azərbaycanda 1997-ci il avqustun 21-də imzalanmış PSA (Production Sharing Agreement/Hasilatın Pay Bölgüsü) tipli müqavilə çərçivəsində hasilatla məşğul olur. Müqavilədə Azərbaycanın payı 51 %, "Anglo Asian Mining Plc." şirkətinin payı 49 % təşkil edir. İlk qızıl hasilatına ("Gədəbəy" yatağında) 2009-cu ildə başlanılıb.
“Gədəbəy” bir-birinə inteqrasiya olunmuş mədənləri olan açıq mədəndir. Şirkət ərazidə yerləşən “Qadir” və “Gədəbəy” yatağından 50 km aralıdakı “Qoşa” yeraltı mədənində, yeni kəşf olunan "Uğur" yatağında da hasilatla məşğuldur.
