Ermənistan avrobond buraxdı: investorlar faiz dərəcəsini endirdi
Ermənistan 750 milyon dollar dəyərində 10 illik avrobondlar buraxıb. Borclanmaya gedən dövlət avrobondları 3.875% ilə yerləşdirir.
Xarici mətbuatın yaydığı məlumata görə, emissiyanın gəlirliliyinin ilkin hədəfi 4.375-4.5% olub, lakin sövdələşmə zamanı 3.875-4% -ə endirilib.
Müraciətlər toplanarkən Ermənistanın borc qiymətli kağızlarına tələb 2,5 milyard dollar təşkil edib.
Yerləşdirmə JP Morgan, Citi və HSBC tərəfindən təşkil olunur. Bazar ertəsi, razılaşmaya hazırlaşmaq üçün investorlarla konfrans zəngləri edilib.
Əvvəlki dəfə Ermənistan 2019-cu ilin sentyabrında, illik 4,2% gəlirliliklə 500 milyon dollara 10 illik avrobondlar yerləşdirərək avrobond bazarına daxil olub.
