“Unibank”ın səhmdarları növbədənkənar iclas çağırıb
Dekabrın 23-də “Unibank” ASC-nin səhmdarlarının növbədənkənar yığıncağı keçiriləcək. Yığıncaqda bankın yeni korporativ sənədlərinin təsdiqi və təşkilatı və digər məsələlərin müzakirəsi planlaşdırılır.
Qeyd edək ki, 2020-ci ilin iyun ayında Avropa Yenidənqurma və İnkişaf Bankı (AYİB) “Unibank”dakı 9% payını satıb. AYİB bankın kapitalındakı 9% payını “Unibank”ın əsas səhmdarı olan Eldar Qəribov alıb. Nəticədə E.Qəribovun bankdakı payı 77,3839%-dən 86,3839%-ə yüksəlib. Hazırda bankın səhm paketinin 6,0157% fiziki şəxs qismində olan səhmdarların, 7,6004% isə hüquqi şəxslərə məxsusdur.
Bankın nizamnamə kapitalı 125 milyon 686 min manat təşkil edir. Nizamnamə kapitalı hər birinin nominal dəyəri 2,72 manat olan 46 milyon 208,219 min ədəd səhmlə formalaşıb.
