Azərbaycan Zəngilan və Kəlbəcərdə qazıntı işlərinin aparılmasına dair müqavilələr imzalayıb
Zəngilandakı Vejnəli və Kəlbəcərdəki Zod qızıl yataqlarında qazıntı işlərinin aparılmasına dair müqavilələr imzalanıb.
Bunu Azərbaycan Dövlət İqtisad Universitetinin (UNEC) təşkilatçılığı ilə Qarabağın gələcək iqtisadiyyatına həsr olunmuş müzakirələrdə çıxışı zamanı millət vəkili Tahir Mirkişili deyib.
Onun sözlərinə görə, müqavilə qazıntı işlərinin aparılmasını nəzərdə tutur.
“İşğaldan azad olunan ərazilər minalardan təmizlənəndən sonra konsorsium dərhal qazıntı işlərinin aparılmasına hazır olduğunu bildirib”, – deyə T. Mirkişili qeyd edib.
