4 bank Mərkəzi Banka borcunu tam qaytarıb
Bu il oktyabrın 1-nə olan vəziyyətə görə, ölkədə fəaliyyət göstərən 30 bankdan 21-i Azərbaycan Mərkəzi Bankı (AMB) qarşısında öhdəliklərinin illik dinamikası barədə məlumat verib.
Bu banklardan 4-ü - "Access Bank", "Azərbaycan Sənaye Bankı", "Bank VTB Azərbaycan" və "PAŞA Bank" son 1 ildə tənzimləyici quruma borcunu tam qaytarıb. Yəni, öhdəliklərdə 100% azalma var.
Bununla yanaşı, 5 bank da AMB-yə borcunu qismən azaldıb. Bunlar "Xalq Bank", "Nikoyl Bank", "Bank BTB", "Günay Bank" və "Premium Bank"dır. Ən çox azalma "Premium Bank"da (85,7% az), ən az azalma isə "Xalq Bank"da (2,2%) qeydə alınıb.
2 bankın - "Atabank" və "Bank of Baku"nun AMB-yə borcu olduğu kimi qalıb, yəni dinamika 0%-dir.
1 bankın - "AGBank"ın tənzimləyici quruma borcu 12,5% artıb.
9 bankın - "AFB Bank", "Bank Avrasiya", İran Milli Bankının Bakı filialı, "Kapital Bank", "Naxçıvan Bank", "NBC Bank", Pakistan Milli Bankının Bakı filialı, "Yapı Kredi Bank Azərbaycan" və "Zıraat Bank Azərbaycan"ın isə AMB-yə borcunun dinamikasını hesablamaq mümkün olmayıb. Çünki bu bankların son 1 ildə tənzimləyici qurum qarşısında öhdəlikləri olmayıb.
9 bank - "Amrah Bank", "Azərbaycan Beynəlxalq Bankı", "Azər-Türk Bank", "Bank Respublika", "Express Bank", "Muğan Bank", "Rabitəbank", "Turan Bank" və "Unibank" isə AMB-yə borclarının illik dinamikasını açıqlamayıb.
