Gəncədə 22 milyon manata yaşayış binaları tikiləcək
Mənzil İnşaatı Dövlət Agentliyinə tabe olan "MİDA“ MMC Gəncə şəhərindəki yaşayış kompleksinin tikintisi üzrə elan etdiyi tenderi yekunlaşdırıb.
ENA.az xəbər verir ki, Agentlik 3 şirkət ilə cəmi məbləği 21 milyon 513 min 845 manat olan müqavilələr bağlayıb.
Belə ki, "Amal Group“ MMC (NN Group MMC konsorsium) 9 mərtəbəli 2 və 12 mərtəbəli 3 yaşayış binalarının tikintisi üçün 15 milyon 179 min 898 manat, "Müasir Tikintilər“ MMC 9 mərtəbəli 2 yaşayış binasının tikintisi üçün 6 milyon 333 min 947 manat alacaq.
