Avropada işıq və qaz neçəyədir? - QİYMƏTLƏR
"BI"nin Avropa Statistika Ofisi (Eurostat) göstəricilərindən topladığı məlumatlara görə, 2018-in ilk yarısında Avropa Birliyi ölkələrində mənzillərdə istifadə edilən hər 100 kubmetr təbii qaza ödənilən orta qiymət 5,91 avro (11 manat) təşkil edib. Müqayisə üçün qeyd edək ki, Azərbaycanda 100 kubmetr təbii qaz əhaliyə 10 manata satılır.
Həmin dövrdə Avropada mənzillərdə 100 kubmetr təbii qazı ən baha istehlak edən ölkə 11,3 avro ilə İsveç olub. Bu ölkənin ardınca 8,98 avro ilə Danimarka, 8,15 avro ilə Hollandiya, 7,59 avro ilə Portuqaliya və 7,14 avrola İtaliya gəlir.
Bu miqdarda təbii qaz üçün AB-nin dominant iqtisadiyyatlarından Almaniyada 6,08 avro, Fransada 6,65 avro, İngiltərədə 4,62 avro və İspaniyada 6,65 avro ödənməsi lazımdır.
Bu dövrdə AB üzvü olan ölkələr arasında ən ucuz təbii qaz istehlakı Rumıniyada olub. Rumıniyada 100 kubmetr təbii qaz üçün əhali orta hesabla 3,21 avro ödəniş edib. Rumıniyanın ardınca 3,58 avro ilə Macarıstan, 3,68 avro ilə Xorvatiya, 3,79 avro ilə Bolqarıstan və 3,85 avro ilə Latviya gəlir
Avropa Birliyində 100 kilovatsaat elektrik enerjisi üçün orta hesabla 20,49 avro (39 manat) ödənir. AB üzvü olan ölkələr arasında ən ucuz elektrik enerjisi Bolqarıstanda satılır. Bolqarıstanda 100 kilovatsaat elektrik enerjisinə 9,79 avro ödənərkən, bu məbləğ Litvada 10,97 avro, Macarıstanda 11,23 avro, Maltada 12,85 avro və Xorvatiyada 13,11 avro təşkil edir.
AB üzvü olan ölkələr arasında ən baha elektrik enerjisi isə Danimarkada istehlak edilir. Danimarkada əhali 100 kilovatsaat elektrik enerjisi üçün 31,26 avro ödəyir. Bu ölkənin ardınca 29,5 avro ilə Almaniya, 27,33 avro ilə Belçika, 23,83 avro ilə İspaniya və 23,69 avro ilə İrlandiya gəlir.
