Axtar

8 bank mənfəət vergisini vaxtından əvvəl ödəyib

Mayın 12-nə qədər Azərbaycanda fəaliyyət göstərən 28 bankdan 8-i mənfəət vergisi ödəmək üçün ilin sonunu gözləməyib.

Bunlar "Kapital Bank", "PAŞA Bank", "Xalq Bank", "Bank of Baku", "Azərbaycan Sənaye Bankı", "Yapı Kredi Bank Azərbaycan", "Express Bank" və İran Milli Bankının Bakı filialıdır.

Adları çəkilən banklar bu ilin yanvar-mart aylarında dövlət büdcəsində ümumilikdə 24,967 milyon manat mənfəət vergisi ödəyiblər. Bu baxından ən yüksək göstərici "Kapital Bank"da (19,01 milyon manat), ən aşağı göstərici isə İran bankında (6 min manat) qeydə alınıb.

Qalan 20 bank isə bu məsələni ilin sonuna saxlayıb. Bunlardan 5-si rübü zərərlə başa vurmuş Pakistan Milli Bankının Bakı filialı, "NBC Bank", "AGBank", "Muğan Bank" və "Yelo Bank"dır ki, onların mənfəət vergisi ödəməməsi təbiidir.

2 bankın mənfəət vergisi ödəmələri artıb

Mayın 12-nə qədər Azərbaycanda fəaliyyət göstərən 28 bankdan 8-i bu ilin yanvar-mart aylarında mənfəət vergisi ödəyib ki, bunlardan da 2-də sözügedən göstərici ötən ilin eyni dövrü ilə müqayisədə çox olub.

Bunlar "Kapital Bank" və "Xalq Bank"dır.

Qalan 6 bankdan 2-nin - "Azərbaycan Sənaye Bankı" və "Yapı Kredi Bank Azərbaycan"ın isə mənfəət vergisi ödəmələri azalıb, 3 bank - "PAŞA Bank", "Bank of Baku" və "Express Bank"  bu ilin I rübündə mənfəət vergisi ödəsə də, ötən ilin eyni dövründə ödəməyib, 1 bank - İran Milli Bankının Bakı filial isə bu ilin yanvar-mart aylarında mənfəət vergisi ödəsə də, ötən ilin eyni dövründə qənəat edib. Odur ki, bu bankların maliyyə göstəricilərinin dinamikasını hesablamaq mümkün olmayıb.

Bu ilin I rübündə mənfəət vergisi ödəməmiş 20 bank isə həm də ötən ilin eyni dövründə mənfəət vergisi ödəməyib. Odur ki, həmin bankların da vergi ödəmələrinin dinamikasını hesablamaq mümkün olmayıb.

Əlaqə

Email : enanewsaz@gmail.com

Tel : +994 70 500 12 33