“Bank Respublika”nın mənfəəti bölüşdürüləcək
29 İyun 2020-ci il tarixində Bank Respublika ASC səhmdarlarının növbəti Ümimu Yığıncağı keçiriləcək.
ENA.az bankın bildirişinə istinadən xəbər verir ki, yığıncaqda 2019-cu ilin maliyyə nəticələri haqqında, 2019-cu il üçün kənar audit yoxlamasının nəticələri haqqında və 2019-cu ilin nəticələrinə görə mənfəətin bölüşdürülməsi haqqında məsələlər müzakirə ediləcəkdir.
Xatırladaq ki, Bank Respublika 2019-cu ili 20 milyon 423 min manat xalis mənfəət ilə başa vurub.
Bank Respublika ASC-nin səhmdarları Natiq Quliyev (44,0%), DEUTSCHE INVESTITIONS- UND ENTWICKLUNGSGESELLSCHAFT (16,6%), Elçin Quliyev (15,1%), Sevda Saday qızı Quliyeva ( 7,4%), Mariya Quliyeva (7,2%), Shakir Rahimov (5,4%), SPARKASSEN INTERNATIONAL DEVELOPMENT TRUST GMBH (4,2%) və digərləridir (0,1%).
