Azərbaycan hökuməti yeni müqavilə imzaladı
Azərbaycanda olan bərpa olunan enerji mənbələrindən istifadə sahəsində pilot layihələrin icrası ilə əlaqədar Energetika Nazirliyi ilə Birləşmiş Ərəb Əmirlikləri və Səudiyyə Ərəbistanın şirkəti arasında icra müqavilələri imzalanacaq.
Məsələ ilə bağlı Energetika nazirinin müşaviri Zəminə Əliyeva bildirib ki, adıçəkilən müqavilələr BƏƏ-nin “Masdar”, Səudiyyə Ərəbistanın isə “Acwa Power” şirkətləri ilə imzalanacaq:
“Ümumilikdə 7 şirkətin qatıldığı seçim prosesi 3 mərhələdən ibarət olub. Ən əlverişli şərtləri təklif etdiklərinə görə, adıçəkilən şirkətlər seçilib. Bu müqavilələrdə bərpa olunan enerji mənbələrindən istifadə sahəsində pilot layihələr - 440 MVt-lıq layihələrin icrası nəzərdə tutulub. Belə ki, “Masdar” şirkəti 200 MVt-lıq günəş, “Acwa Power” isə 240 MVt-lıq külək elektrik enerjisi stansiyasının tikintisi ilə bağlı layihənin icrasını həyata keçirəcək”, - deyə Z. Əliyeva əlavə edib.
