Gömrüyün “Yaşıl dəhliz”indən cəmi 1%-lik hissə istifadə edə bilir
Bu vaxtadək 490 iştirakçıya “Yaşıl dəhliz” sistemindən istifadə hüququ verilib.
Bu barədə Dövlət Gömrük Komitəsinin sədri Səfər Mehdiyev noyabrın 26-da keçirdiyi mətbuat konfransında deyib.
O bildirib ki, idxal əməliyyatlarında 297 iştirakçı, ixrac əməliyyatlarında isə 193 iştirakçı "Yaşıl dəhliz"dən istifadə hüququndan yararlanıb.
2019-cu ilin Oktabr ayına olan məlumata görə, xarici ticarət iştirakçıların sayı 35 261, o cümlədən fiziki şəxs iştirakçıların sayı 27 156, hüquqi şəxs iştirakçıların sayı 8 105 olub. Beləliklə, xarici ticarət iştirakçılarının cəmi 1,4%-nə “Yaşıl dəhliz” sistemindən istifadə hüququ verilib.
