"Azərbaycana fərdi qaydada investorların cəlb edilməsi üçün mexanizm hazırlanır

Azərbaycanda İxracın və İnvestisiyaların Təşviqi Fondu (AZPROMO) "İnvest in Azerbaijan" mexanizmlərinin qaydalarını hazırlayır.

ENA.az xəbər verir ki, bunu qurumun prezidenti vəzifəsini icra edən Yusif Abdullayev bildirib.

Onun sözlərinə görə, "İnvest in Azerbaijan" çərçivəsində Azərbaycanda fəaliyyət göstərən şirkətlərin xaricə missiyaların təşkili nəzərdə tutulur: "Mexanizm çərçivəsində Azərbaycanda qlobal forumun keçirilməsi planlaşdırılır. Fərdi qaydada investorların cəlb edilməsi məsələsi də bura daxildir. Azərbaycanda fəaliyyət göstərən şirkətlərin qlobal dəyər zəncirinin formalaşdırılması istiqamətində də işlər aparılacaq".