3 investisiya şirkətinin əsas gəlirləri və əsas xərcləri 1 milyon manatdan çoxdur
Azərbaycanda fəaliyyət göstərən 8 investisiya şirkətindən 3-nün 2018-ci ildəki əsas gəlirləri 1 milyon manatdan çox olub.
Bunlar "İnvest-AZ" (3,909 milyon manat), "Azfinance" (3,105 milyon manat) və "PSG Kapital" (1,227 milyon manat) investisiya şirkətləridir.
Qalan 5 investisiya şirkətinin əsas gəlirləri isə 1 milyon manatdan azdır.
İnvestisiya şirkətlərindən 5-i 2018-ci ildə əsas gəlirlərini artırıb. Bunlar "Xalq Kapital", "Azfinance", "PAŞA Kapital", "İnvest-AZ" və "PSG Kapital" investisiya şirkətləridir. Ən yüksək dinamika "Xalq Kapital"da (3,5 dəfə), ən aşağı dinamika isə "PSG Kapital"da (1%) qeydə alınıb.
2 investisiya şirkətinin - "Unicapital" və "Plato Capital and Co."nun əsas gəlirləri ötən il azalıb - müvafiq olaraq 21% və 21,5%. 1 investisiya şirkəti - "BTB Kapital" isə qiymətli kağızlar bazarına ötən il daxil olub. Buna görə də, onun əsas gəlirlərinin dinamikasını hesablamaq mümkün olmayıb.
***
Azərbaycanda fəaliyyət göstərən 8 investisiya şirkətindən 3-nün 2018-ci ildəki əsas xərcləri 1 milyon manatdan çox olub.
Bunlar "İnvest-AZ" (3,063 milyon manat), "Azfinance" (2,755 milyon manat) və "PSG Kapital" (1,363 milyon manat) investisiya şirkətləridir.
Qalan 5 investisiya şirkətinin əsas xərcləri isə 1 milyon manatdan azdır.
İnvestisiya şirkətlərindən 6-sı 2018-ci ildə əsas xərclərini artırıb. Bunlar "Xalq Kapital", "PAŞA Kapital", "Azfinance", "İnvest-AZ", "Unicapital" və "PSG Kapital" investisiya şirkətləridir. Ən yüksək dinamika "Xalq Kapital"da (2,7 dəfə), ən aşağı dinamika isə "PSG Kapital"da (4,6%) qeydə alınıb.
1 investisiya şirkətinin - "Plato Capital and Co."nun əsas xərcləri ötən il azalıb - 0,4%. 1 investisiya şirkəti - "BTB Kapital" isə qiymətli kağızlar bazarına ötən il daxil olub. Buna görə də, onun əsas xərclərinin dinamikasını hesablamaq mümkün olmayıb.
