Dövlət orqanlarında çalışan bu şəxslərin maaşları artırıldı

Dövlət orqanlarında çalışan dövlət qulluqçusu olmayan işçilərin (xadimə, dalandar, bağban, gözətçi, ocaqçı, ixtisas dərəcəsi olmayan fəhlə və s.) aylıq vəzifə maaşları artırılıb.

• Eləcə də bax:  Azərbaycanda orta aylıq əmək haqqı - AÇIQLANDI

ENA.az xəbər verir ki, Nazirlər Kabineti bununla bağlı “Dövlət qulluğu ilə bağlı bəzi məsələlərin tənzimlənməsi haqqında” qərarda müvafiq dəyişiklik edib.

Beləliklə, ali kateqoriya dövlət orqanlarında çalışan dövlət qulluqçusu olmayan işçilərin aylıq vəzifə maaşları 220 manatdan 310 manata, 1-ci kateqoriya dövlət orqanlarında dövlət qulluqçusu olmayan işçilərin aylıq vəzifə maaşları 210 manatdan 295 manata, 2-ci və 3-cü kateqoriya dövlət orqanlarında çalışan dövlət qulluqçusu olmayan işçilərin aylıq vəzifə maaşları 200 manatdan 280 manata, 4-cü və 5-ci kateqoriya dövlət orqanlarında çalışan dövlət qulluqçusu olmayan işçilərin aylıq vəzifə maaşları 180 manatdan 260 manata qaldırılıb.

• Eləcə də bax: Azərbaycanda bu sahədə çalışanlara daha yüksək əməkhaqqı verilir

Bu qərar 2019-cu il sentyabrın 1-dən qüvvəyə minir.

• Eləcə də bax: Milyonluq müqavilələri udan şirkət ləğv olunduğunu elan edib