Vergilər nazirinin müşaviri: Ticarət sektorunda dövriyyə 22,1 faiz artıb
Bu ilin yanvar-iyun aylarında ölkə iqtisadiyyatının bir sıra sahələrində, konkret olaraq ticarət sektorunda dövriyyə 22,1 faiz, o cümlədən pərakəndə ticarətin dövriyyəsində 35,2 faiz, topdansatış ticarətin dövriyyəsində 13,4 faiz, ictimai iaşənin dövriyyəsində isə 25,7 faiz artım müşahidə olunub.
Bu barədə Vergilər nazirinin müşaviri Xəqani Abdullayev deyib.
Onun sözlərinə görə, bu prosesin ticarət sektorunda sürətlə getməsi xüsusilə vacibdir, çünki, böyük yayınmalar məhz bu sahədə özünü daha qabarıq göstərib: “Pərakəndə ticarətdə obyektlərin sayının dövr ərzində 7,5 faiz, iaşədə isə 4,8 faiz artması fonunda dövriyyələrin yüksək artım templəri onu göstərir ki, sahibkarlıq subyektləri daha çox dövriyyəni rəsmiləşdirirlər”,-deyə X.Abdullayev bildirib.
