Azərbaycanda "Hell”i satan şirkət cərimələndi - 129 MİN MANAT
Maliyyə Bazarlarına Nəzarət Palatası "Coast Castle" MMC-ni 129 024 manat cərimələyib.
ENA.az xəbər verir ki, şirkət İnzibati Xətalar Məcəlləsinin 430.4-cü maddəsi ilə təqsirli bilinib.
İXM-nin 430.4-cü maddəsi avans yolu ilə ödənilmiş valyuta vəsaitinin müqabilində müəyyən edilmiş müddətlərdə müvafiq mallar idxal edilmədikdə, işlər görülmədikdə və ya xidmətlər göstərilmədikdə ödənilmiş valyuta vəsaitinin xaricdən geri qaytarılmamasına görə məsuliyyət nəzərdə tutur. Bu inzibati xətaya görə, hüquqi şəxslər inzibati xətanın bilavasitə obyekti olmuş valyuta vəsaitinin iyirmi faizindən otuz faizinədək məbləğdə cərimə edilir.
Nərimanov Rayon Məhkəməsinin 7 iyun 2019-cu il tarixli qərarından verilən şikayətə Bakı Apelyasiya Məhkəməsində baxılır.
Qeyd edək ki, "Coast Castle" MMC-ni Macarıstanda istehsal olunan "Hell” energrtik içkisinin Azərbaycanda distributorudur.
