Həkimlər və tikinti sahibləri icbari sığorta ödəyəcəklər: YENİLİK
“Biz fəaliyyət planı hazırlamışıq, burada fəaliyyətimizin əsas istiqamətləri nəzərə alınıb. Əsas istiqamətlərdən biri yeni icbari sığorta növlərinin yaradılmasıdır ki, onlarda zəruri sosial zərurət var. İlk növbədə, bu, həkimlərin məsuliyyətinin sığortası və tikinti ilə məşğul olan məsul şəxslərin sığortasıdır”.
Bunu Maliyyə Bazarlarına Nəzarət Palatasının Sığorta fəaliyyətinə nəzarət departamentinin rəisi Firdovsi Ağaşirinov deyib. Onun sözlərinə görə, həkim xətaların baş verməsi ilə bağlı məlumatlar və tikinti sektorunda ölüm halları ilə bağlı bu sığortaların icbariləşməsi qərara alınıb. "İcbari növlər sosiallıqla bağlı yaranır", deyən F.Ağaşirinov bildirdi ki, Maliyyə Bazarlarına Nəzarət Palatası bazarda yeni icbari sığorta növlərinin tətbiqi üzərində işləyir.
Həmçinin Palata risklərin və mikrosığortanın bölüşdürülməsi ilə birgə sığorta mexanizmlərinin yaradılması kimi istiqamətlərdə çalışır.
Ağaşirinov AVSMMİS üzrə agent komissiyaların azalmasını istisna etməyib. “AVSMMİS üzrə zərərliliyin azalması üzərində işləmək niyyətindəyik. Agent komissiyalarının azalması bu istiqamətdə mümkün tədbirlərdən biridir”, - o qeyd edib.
Həmçinin Palatanın nümayəndəsi vurğulayıb ki, Qarşısıalınma tədbirləri fondunun yaradılması sığorta halları və zərərliliyin qarşısının alınmasına yönəlib.
