Lombardların minimum nizamnamə kapitalı milli valyutada formalaşdırılacaq
Azərbaycanda lombardların nizamnamə kapitalı milli valyuta ilə formalaşdırılacaq.
"ENA" xəbər verirki, bu barədə yeni hazırlanan “ Lombardlar haqqında” qanun layihəsinin 4-cü maddəsində (Lombardın nizamnamə kapitalı) bildirilib.
Sənəddə qeyd edilib ki, lombardın minimum nizamnamə kapitalı Azərbaycan Respublikasının milli valyutasında formalaşdırılmalıdır.
Lombardın nizamnamə kapitalının minimum miqdarına dair tələblər maliyyə bazarlarına nəzarət orqanı tərəfindən müəyyən olunur.
Qanun layihəsi yaxın vaxtlarda Milli Məclisin İqtisadi siyasət, sənaye və sahibkarlıq komitəsinin iclasında müzakirəyə çıxarılacaq.
